پاکستانی شوبز انڈسٹری کی معروف اداکارہ ہانیہ عامر نے شادی سے متعلق سوال کرنے والی ایک مداح کو نہایت دلچسپ اور مختصر جواب دے کر سوشل میڈیا پر توجہ حاصل کر لی ہے، جس کی ویڈیو اور گفتگو تیزی سے وائرل ہو رہی ہے۔
اداکارہ سوشل میڈیا پر خاصی فعال رہتی ہیں اور اکثر مداحوں کے سوالات کے جوابات اپنے منفرد اور خوشگوار انداز میں دیتی ہیں۔ حالیہ موقع پر بھی ایسا ہی ہوا جب ایک صارف نے ان سے پوچھا کہ کیا ان کی شادی ہو گئی ہے، جس پر انہوں نے مختصر جواب دیتے ہوئے کہا کہ ایسی خبریں آتی رہتی ہیں۔
واضح رہے کہ اس سے قبل ایک پروگرام کے دوران ایک خاتون مداح نے ان سے پسندیدہ گلوکار کے بارے میں سوال کیا تھا، جس پر اداکارہ نے مسکراتے ہوئے مزاحیہ انداز میں جواب دیا کہ کیا آپ چاہتی ہیں کہ میں عاصم اظہر کا نام لیں۔
ہانیہ عامر اور عاصم اظہر دونوں شوبز کی معروف شخصیات ہیں، اور ان کے تعلقات، علیحدگی اور ممکنہ تعلقات کے حوالے سے ماضی میں بھی میڈیا اور سوشل میڈیا پر خاصی گفتگو ہوتی رہی ہے۔ حالیہ دنوں میں دونوں ایک دوسرے کی خاندانی تقریبات میں بھی شریک نظر آئے، جس کے بعد سوشل میڈیا پر ان کی تصاویر وائرل ہونے سے مداحوں کی دلچسپی مزید بڑھ گئی ہے۔
