حکومت نے پیٹرول پمپس پر ڈیجیٹل فیول منیجمنٹ سسٹم نافذ کرنے کا فیصلہ کرلیا۔
حکومت نے پیٹرولیم بحران سے نکلنے کیلئے پیٹرول پمپس پر ڈیجیٹل فیول منیجمنٹ سسٹم نافذ کرنےکا فیصلہ کیا ہے،ذاتی گاڑیوں کیلئے شہریوں کے لیے پیٹرول کا کوٹہ مختص کیا جائے گا۔
وزارت آئی ٹی کی جانب سے پیٹرول پمپس پرفراہم کرنےکیلئےموبائل فونزکی جانچ مکمل کرلی گئی ہے،اس کے علاوہ موبائل فونزپرفیول منیجمنٹ کے لیے تیارکی گئی ایپلی کیشن کی ٹیسٹنگ بھی مکمل ہو گئی ہے۔
اس منصوبے سے متعلق تفصیلات وزارت آئی ٹی کی طرف سے کابینہ ڈویژن کو بھیج دی گئی ہیں۔ پیٹرول پمپس کو موبائل فون دیے جائیں گے،آئل مارکیٹنگ کمپنیاں موبائل فونزکیلئےرقم دیں گی۔
