پشاور میں آٹے کی قیمتوں میں بڑا اضافہ ہو گیا

صوبائی دارالحکومت پشاور میں آٹے کی قیمتوں میں بڑا اضافہ ہو گیا، آٹے کا 20 کلو کا تھیلا مزید مہنگا ہو گیا۔

مکس آٹے کا 20 کلو تھیلا 350 روپے مہنگا ہو گیا، فائن آٹے کا بیس کلو کا تھیلا 250 روپے جبکہ سپر فائن آٹا 350 روپے مہنگا ہوا ہے۔

ڈیلرز کے مطابق بیس کلو مکس آٹے کی قیمت 14 سو سے بڑھ کر 1750 روپے ہو گئی ہے، سپر فائن آٹے کی قیمت 1450 سے بڑھ کر 1800 ہوگئی ہے۔

20 کلو فائن آٹے کا تھیلا 250 روپے اضافے کے بعد 1850 روپے کا ہو گیا ہے، ڈیلرز کا کہنا ہے کہ گندم کی قیمتیں بڑھنے کے باعث آٹا مہنگا ہوگیا ہے۔