خیبر پختونخوا کے وزیر تعلیم نے کہا ہے کہ صوبے میں سیلاب کے باعث 21 اضلاع میں 648 اسکولوں کو جزوی نقصان پہنچا ہے جبکہ 34 اسکول مکمل طور پر تباہ ہو چکے ہیں۔
وزیر تعلیم فیصل ترکئی کے مطابق قدرتی آفت کے نتیجے میں 6 اساتذہ، جن میں 4 مرد اور 2 خواتین شامل ہیں، جان کی بازی ہار گئے، جبکہ 11 طلبہ بھی سیلاب کے نتیجے میں جاں بحق ہوئے۔
انہوں نے کہا کہ یکم ستمبر سے قبل سیلاب سے متاثرہ اسکولوں کو فعال کیا جائے گا، اسکولوں کی تعمیر و مرمت پر 6 سے 8 ماہ کا وقت لگے گا تاہم طلبہ کی تعلیمی سرگرمیاں متاثر نہیں ہونے دینگے۔
