لاہور قلندرز کے اوپنر بیٹر فخرزمان نے پی ایس ایل میں نصف سنچریوں کے ریکارڈ میں محمد رضوان کو پیچھے چھوڑ دیا۔
گزشتہ روز انہوں نے کراچی کنگز کے خلاف پی ایس ایل کیرئیر کی اکیسویں نصف سنچری بنائی، اس نصف سنچری کے ساتھ انہوں نے محمد رضوان کو پیچھے چھوڑ دیا۔
پی ایس ایل میں محمد رضوان نے بیس نصف سنچریاں بنا رکھی ہیں، 21 نصف سنچریاں بنا کر فخر زمان دوسرے سب سے زیادہ نصف سنچریاں بنانے والے کھلاڑی بن گئے ہیں۔
پی ایس ایل میں سب سے زیادہ نصف سنچریوں کا ریکارڈ بابراعظم کے نام ہے انہو ں نے 33 نصف سنچریاں اسکور کر رکھی ہیں۔اس طرح محمد رضوان اب نصف سنچریوں کی تعداد کی نسبت سے تیسرے نمبر پر آ گئے ہیں۔
