راولپنڈی میں کھیلے جانے والے تیسرے اور فیصلہ کن ٹیسٹ میچ میں انگلینڈ نے ٹاس جیت کر پہلے بیٹنگ کا فیصلہ کیا۔
راولپنڈی ٹیسٹ میں انگلینڈ کی پہلی وکٹ 56 رن پر گری، زیک کرالی 29 رنز بنا کر نعمان علی کی گیند پر صائم ایوب کے ہاتھوں کیچ آئوٹ ہوئے۔
مجموعی اسکور جب 70 ہوا تو ساجد خان نے اولی پوپ کو تین رنز پر ایل بی ڈبلیو آئوٹ کر دیا۔ تیسری وکٹ جوروٹ کی گری انہوں نے 5 رنز بنائے وہ ساجد خان کے ہاتھوں ایل بی ڈبلیو آئوٹ ہوئے۔
پاکستان کے خلاف انگلینڈ کی بیٹنگ جاری ہے اور انگلینڈ نے تین وکٹ کے نقصان کے 80 رنز بنا لیے ہیں۔
پاکستان کی ٹیم میں کوئی تبدیلی نہیں کی گئی ہے، ٹاس کے موقع پر قومی ٹیم کے کپتان شان مسعود نے کہا کہ ٹاس جیت کر ہم بیٹنگ ہی کرتے۔
مسعود نے کہا کہ ٹاس کبھی پلان کے مطاق ہوجاتا ہے کبھی نہیں، ہمیں اچھی کرکٹ کھیلنی ہے، انہوں نے کہا کہ ہماری تیاری ہے اور اس کے مطابق کھیلیں گے، ا نگلینڈ کے خلاف کھیلنا اچھا تجربہ ہے۔
انگلینڈ ٹیم کے کپتان نے کہا کہ ایک اچھی وکٹ لگ رہی ہے،اچھی کارکردگی کامظاہرہ کریں گے،واضح رہے کہ پہلا ٹیسٹ انگلینڈ نے جیتا تھا اور دوسرا ٹیسٹ پاکستان نے جیتا تھا۔
