کراچی کے صارفین کیلئے بجلی 4 روپے 95 پیسے فی یونٹ سستی ہونے کا امکان ہے۔
کے الیکٹرک نے بجلی کی قیمت میں کمی کی درخواست نیشنل الیکٹرک پاور ریگولیٹری اتھارٹی (نیپرا) میں دائر کر دی ہے۔
نیپرا اتھارٹی کے الیکٹرک کی درخواست پر 26 فروری کو سماعت کرے گی، درخواست کی منظوری کی صورت میں صارفین کو 4 ارب 94 کروڑ روپے کا ریلیف ملے گا۔
کے الیکٹرک نے بجلی کی فی یونٹ قیمت میں کمی کی درخواست فیول پرائس ایڈجسٹمنٹ کی مد میں دائر کی،بجلی کی قیمتوں میں کمی ماہ دسمبر کے ایف سی اے کی مد میں متوقع ہے۔
نیشنل الیکٹرک پاور ریگولیٹری اتھارٹی درخواست پر سماعت کے بعد حتمی فیصلہ کرے گی۔
