حکومت نے بجلی صارفین پر ساڑھے 34 ارب کا اضافی بوجھ ڈالنے کی تیاری کرلی، بجلی 3 روپے 49 پیسے فی یونٹ مزید مہنگی ہونے کا امکان ہے۔
نیپرا سی پی پی اے کی درخواست پر 30 مئی کو سماعت کرے گی، سینٹرل پاور پرچیزنگ ایجنسی نے اپریل کی ماہانہ فیول پرائس ایڈجسٹمنٹ کی مد میں درخواست دائر کی ہے۔
درخواست کی منظوری کے بعد بجلی صارفین پرساڑھے 34 ارب روپے کا بوجھ پڑے گا، بجلی کی قیمت میں اضافے کا اطلاق کے الیکٹرک صارفین پر نہیں ہوگا۔
درخواست میں موقف اختیار کیا گیا کہ اپریل میں فرنس آئل اور ڈیزل سے بجلی پیدا نہیں کی گئی، پانی سے 22.96 فیصد اور مقامی کوئلے سے 10.19 فیصد بجلی پیدا کی گئی۔
درخواست کے مطابق مقامی گیس سے 11.28 فیصد بجلی، درآمدی ایل این جی سے24.97 فیصد بجلی پیدا کی گئیجبکہ جوہری ایندھن سے 23.64 فیصد بجلی پیدا کی گئی۔ نیپرا کی منظوری کے بعد اپریل کیلئے بجلی 3 روپے 49 پیسے فی یونٹ مہنگی ہونے کا امکان ہے۔
