لاہور، مرغی کا گوشت مزید مہنگا ہو گیا، انڈوں کی فی درجن قیمت بھی بڑ ھ گئی۔
آج مرغی کے گوشت کی قیمت میں پھر 7 روپے کا اضافہ ہو گیا ہے جس کے بعد مرغی کا گوشت 475 روپے کلو ہو گیا، گزشتہ روز گوشت 468 روپے کلو تھا۔ گزشتہ روز گوشت کی قیمت میں سات روپے کی کمی ہوئی تھی۔
زندہ برائلر مرغی کی قیمت میں بھی ایک بار پھر پانچ روپے کا اضافہ ہوا ہے جس کے بعد زندہ برائلر کا تھوک ریٹ 314 روپے کلو جبکہ زندہ برائلر کا پرچون ریٹ 328 روپے کلو ہو گیا ہے۔ گزشتہ روز زندہ مرغی کی قیمت میں پانچ روپے کی کمی ہوئی تھی۔
لاہور انتظامیہ نے سرکاری نرخنامے میں انڈوں کی قیمت میں مزید ایک روپے کا اضافہ کر دیا ہے گزشتہ روز بھی قیمت ایک روپے بڑھی تھی، انڈوں کی فی درجن قیمت 326 روپے ہو گئی ہے۔
