بھارت کی طرف سے نئے فارمولے پر بھی اعتراض کر دیا گیا ہے۔
آئی سی سی چیمپیئنز ٹرافی کا شیڈول بھارتی جواب نہ آنے کی وجہ سے ابھی تک تاخیر کا شکار ہے، بھا رت نے نئے ”پارٹنر شپ یا فیوڑن فارمولے“ پر بھی اعتراض کر دیا ہے۔
نیا فارمولا چیمپئنز ٹرافی سے لاگو ہے جو تین سال تک نافذ العمل رہے گا، نئے فارمولے کے تحت بھارت اپنے تمام میچ دبئی میں کھیلے گا۔
آئی سی سی ذرائع کے مطابق پاکستان بھی بھارت میں کوئی ٹورنامنٹ نہیں کھیلے گا اور پاکستان بھی اگلے تین سال تک تمام میچز دبئی میں کھیلے گا۔
اس فارمولے پر بھی بھار ت کی جانب سے اعتراض کیا گیا ہے، بھارت نے اگلے مرحلے میں کوالیفائی کرنے کی صورت میں چیمپیئنز ٹرافی کے فیصلہ کن معرکے کے لئے بھی پاکستان جانے سے انکار کیا ہے۔
بھارت کے اعتراض پر پاکستان کرکٹ بورڈ نے بھی واضح موقف اختیار کیا ہے کہ اس صورت میں ہماری ٹیم بھی کسی ایونٹ کے فائنل کے لئے بھارت نہیں جائے گی اور تین سال کے لئے تمام فائنلز بھی دبئی میں ہونے چاہئیں۔
