پنجاب اسمبلی میں تحریک انصاف کے رہنما اعجاز چودھری کی نااہلی کے بعد خالی ہونے والی سینیٹ نشست پر ضمنی انتخاب کیلئے پولنگ کا آغاز ہو گیا۔
مسلم لیگ (ن) کے رہنما رانا ثناء اللہ اور پی ٹی آئی کی حمایت یافتہ اعجاز چودھری کی اہلیہ سلمیٰ اعجاز کے درمیان مقابلہ ہے، اپوزیشن نے ووٹ کاسٹ نہ کرنے کا اعلان کر دیا ہے۔
کاغذات نامزدگی کا وقت ختم ہونے کی وجہ سے اپوزیشن امیدوار مقابلے میں موجود ہیں، ووٹنگ شام چار بجے تک جاری رہے گی۔
صوبائی الیکشن کمشنر پنجاب شریف اللہ ریٹرننگ افسر کے فرائض سر انجام دے رہے ہیں، سینیٹ ضمنی انتخاب کیلئے پنجاب اسمبلی ہال کو بطور پولنگ اسٹیشن متعین کر دیا گیا ہے، سینیٹ ضمنی انتخاب کیلئے 363 اراکین صوبائی اسمبلی اپنا حق رائے دہی استعمال کریں گے۔
