تبادلہ مارکیٹ میں روپے کے مقابلے میں ڈالر کی قیمت میں پھر اضافہ ہو گیا ، دوسری جانب اسٹاک ایکسچینج میں کاروبار کے دوران تیزی دیکھنے میں آئی۔
کاروباری ہفتے کے پہلے روز انٹر بینک میں ڈالر 6 پیسے مہنگا ہو گیا جس سے ڈالر کی قیمت 278 روپے 40 پیسے ہو گئی۔
دوسری جانب پاکستان اسٹاک ایکسچینج میں مثبت کاروبار کا آغاز ہوا ، اسٹاک ایکسچینج کے 100 انڈیکس میں 687 پوائنٹس کا اضافہ ریکارڈ کیا گیا جس کے بعد انڈیکس 78 ہزار 717 پوائنٹس پر پہنچ گیا۔
گزشتہ ہفتے کے آخری روز کاروبار کے اختتام پر انڈیکس 78 ہزار 30 کی سطح پر بند ہوا تھا۔
