بھارتی صنعتکار مکیش امبانی کے بیٹے اور ریلیانس انڈسٹریز لمیٹڈ کے ایگزیکٹو ڈائریکٹر انانت امبانی نے گرین انرجی کے بڑے منصوبے کا اعلان کیا ہے۔
ریلیانس انڈسٹریز لمیٹڈ کی 48 ویں سالانہ جنرل میٹنگ میں انانت امبانی نے کہا کہ گجرات کے جام نگر میں تعمیر ہونے والے دھرو بھائی امبانی گیگا انرجی کمپلیکس ٹیسلا کے گیگا فیکٹری سے چار گنا بڑا ہوگا، اور دنیا کے سب سے بڑے انرجی پروجیکٹس میں شمار کیا جائے گا۔
انانت امبانی نے کہا کہ ریلیانس ریت سے توانائی تک مکمل نیا ایکو سسٹم تخلیق کر رہی ہے، جو دنیا میں اپنی نوعیت کا منفرد منصوبہ ہوگا۔
یہ کمپلیکس 4 کروڑ 40 لاکھ مربع فٹ پر بنایا جا رہا ہے، جس میں 1 لاکھ کلو میٹر لمبی کیبل بچھائی جائے گی، جو زمین سے چاند تک کے فاصلے کے برابر ہے۔
کمپنی کے مطابق 200 میگاواٹ ایچ جے ٹی سولر ماڈیولز تیار ہو چکے ہیں، جن کی توانائی پیداوار عام ماڈیولز سے 10 فیصد زیادہ ہے، مستقبل میں اس پلانٹ کی گنجائش 20 جی ڈبلیو پی تک بڑھا دی جائے گی، جس سے یہ دنیا کی سب سے بڑی سنگل سائٹ سولر فیکٹری بن جائے گی۔
