بنگلہ دیش نے ٹی ٹوئنٹی سیریز میں شاندار کارکردگی کا مظاہرہ کرتے ہوئے افغانستان کو وائٹ واش کر دیا۔
شارجہ کرکٹ اسٹیڈیم میں کھیلے گئے سیریز کے تیسرے اور آخری میچ میں سیف حسن کی ناقابلِ شکست 64 رنز کی اننگز کی بدولت بنگلہ دیشی ٹیم نے چھ وکٹوں سے کامیابی حاصل کی۔
افغانستان نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 143 رنز بنائے۔ بنگلہ دیش نے ہدف 18 اوورز میں 4 وکٹوں کے نقصان پر پورا کر لیا۔
بنگلہ دیش کے شریف الاسلام، محمد سیف الدین، نسیم احمد اور رشید حسین نے شاندار بائولنگ کا مظاہرہ کیا۔
اس کامیابی کے ساتھ ہی بنگلہ دیش نے سیریز میں تین صفر سے کلین سویپ مکمل کیا، سیریز کے پہلے ٹی 20 میچ میں بنگلہ دیش نے 4 وکٹ اور دوسرے میچ میں 2 وکٹ سے فتح حاصل کی تھی۔
