آئی بی اے نے پیرس اولمپکس سے دستبردار ہونیوالی اطالوی باکسر اینجلا کیرنی کو اولمپک چیمپیئن قرار دیدیا۔
انٹرنیشنل باکسنگ ایسوسی ایشن کے صدر عمر کریملو نے کہا کہ آئی بی اے انجیلا کیرینی کو گولڈ میڈلسٹ کے لیے مقرر انعامی رقم دے گی۔
آئی بی ا ے نے مئی میں پیرس اولمپکس باکسنگ ایونٹ کے 100 میڈلسٹس کے لیے 31 لاکھ ڈالرز کی انعامی رقم مختص کی تھی۔
گولڈ میڈل پر ایک لاکھ ڈالر انعام ہے جس میں 50 ہزار ڈالر پلیئر، 25 ہزار کوچ اور 25 ہزار فیڈریشن کو ملنا ہے۔
یاد رہے کہ اطالوی باکسر نے پیرس اولمپکس میں ایمان خلیف کے خلاف 46 سیکنڈز میں ہی دستبردار ہونے کا اعلان کر دیا تھا۔
