پاکستانی ڈرامہ انڈسٹری کی معروف اداکارہ نیلم منیر ایک حالیہ عوامی تقریب میں شرکت کے بعد سوشل میڈیا پر مداحوں کی توجہ کا مرکز بن گئی ہیں۔
تقریب کی تصاویر سوشل میڈیا پر شیئر ہونے کے بعد صارفین نے ان کے ہاں پہلے بچے کی آمد سے متعلق خوشخبری کی چہ مگوئیاں اور قیاس آرائیاں شروع کر دی ہیں۔
کم عمری میں اپنے فنی سفر کا آغاز کرنے والی نیلم منیر شادی کے بعد سے زیادہ تر دبئی میں مقیم ہیں اور ان دنوں شوبز سرگرمیوں سے نسبتاً دور نظر آتی ہیں۔ وہ صرف چند مخصوص تقریبات میں ہی عوامی طور پر سامنے آتی ہیں۔
اس تقریب کی ویڈیوز اور تصاویر وائرل ہوتے ہی انٹرنیٹ صارفین نے یہ اندازے لگانا شروع کر دیے کہ اداکارہ شاید اپنے پہلے بچے کی منتظر ہیں، جس کے بعد نیک تمناؤں، دعاؤں اور مبارکبادوں کے کمنٹس آنا شروع ہو گئے۔
