اداکارہ ژالے سرحدی نے سوال کیا ہے کہ اگر معروف ڈرامہ نگار خلیل الرحمان قمر کی وائرل ہونے والی نامناسب ویڈیوز بندوق کے زور پر بنائی گئی تھیں تو وہ صاف کیوں نہیں تھیں؟
ایک پوڈ کاسٹ انٹرویو کے دوران اداکارہ کا کہنا تھا کہ جس طرح ڈرامہ نگار کہہ رہے ہیں کہ ان کی بندوق کے زور پر ویڈیوز بنائی گئیں، اسی طرح آمنہ عروج لڑکی بھی دعوے کر رہی ہیں کہ وہ مجبور تھیں۔
انہوں نے یہ بھی سوال اٹھایا کہ خلیل الرحمان اور لڑکی کے دعوؤں کے مطابق دونوں کو بندوق کے زور پر یرغمال بنایا گیا لیکن وہ بندوقیں نظر نہیں آ رہیں کیوں؟
ژالے سرحدی نے مزید سوال کیا اور کہا کہ لوگ بھی یہی پوچھنا چاہتے ہیں کہ اگر خلیل الرحمان قمر کے سر پر بندوق رکھ کر ان سے ویڈیوز بنوائی گئیں تو وہ صاف کیوں نہیں تھیں؟
انہوں نے مزید سوال اٹھایا کہ پھر وہ ویڈیوز خفیہ کیمروں سے کیوں بنائی گئیں؟ کیمرا سامنے ہونا چاہیے تھا۔ژالے سرحدی کے مطابق جس طرح تاوان کے لیے اغوا کیے گئے لوگوں کی ویڈیوز ہوتی ہیں، خلیل الرحمان قمر کی بھی اسی طرح کی کوئی ویڈیو ہوتی۔
