یورپی ملک اٹلی میں چوری کی ایک ایسی واردات ہوئی جس نے سب کو حیران کردیا۔
غیر ملکی میڈیا کے مطابق اٹلی میں ایک ایسی انوکھی چوری ہوئی جس میں نا تو کوئی طلائی زیورات چوری ہوئے اور ہی کوئی بھاری نقدی کی چوری ہوئی بلکہ یہ چوری تو مشہور ترین چاکلیٹ کٹ کیٹ کی ہوئی ہے۔
میڈیا رپورٹس میں بتایا گیا ہے کہ کٹ کیٹ سے بھرا ٹرک اٹلی سے پولینڈ جارہا تھا کہ 12 ٹن کٹ کیٹ چاکلیٹ چوری ہوگئی جن کی مقدار 4لاکھ 13ہزار سے زائد تھی۔
میڈیا رپورٹس کے مطابق کمپنی نے اپنی چاکلیٹ کی چوری سے متعلق بیان دیتے ہوئے کہا کہ ہم عوام کو کٹ کیٹ کھانے کا کہتے ہیں جسے چوروں نے واقعی سنجیدہ لے لیا ہے۔
کمپنی نے مزید کہا کہ ہم مجرموں کے غیر معمولی ذوق کی تعریف کرتے ہیں، حقیقت یہ ہے کہ کارگو کی چوری ہر سائز کے کاروبار کے لیے ایک بڑھتا ہوا مسئلہ ہے۔
اس حوالے سے کمپنی نے بھی سماجی رابطے کی ویب سائٹ ایکس پر پیغام جاری کرتے ہوئے بتایا کہ ہم مقامی انتظامیہ کے ساتھ مل کر پتا لگانے کی کوشش کررہے ہیں۔
