بالی ووڈ کے معروف اداکار سنی دیول اور بوبی دیول نے اپنے مرحوم والد اور لیجنڈری اداکار دھرمیندر کی یاد میں ایک بڑی اور فینز سے بھرپور تقریب منعقد کرنے کا فیصلہ کیا ہے۔
بھارتی میڈیا کے مطابق دیول خاندان دھرمیندر کی 90ویں سالگرہ کے موقع پر کھنڈالا میں واقع اپنے فارم ہاؤس میں خصوصی پروگرام ترتیب دے رہا ہے، جس میں مداحوں کو بھی شرکت کی اجازت دینے پر غور کیا جا رہا ہے تاکہ وہ اپنے پسندیدہ ستارے کو آخری بار خراجِ عقیدت پیش کر سکیں۔
خاندانی ذرائع کا کہنا ہے کہ یہ تقریب اداکار کی خدمات، فنکارانہ ورثے اور ان کی شخصیت کو یاد رکھنے کے لیے منعقد کی جائے گی، فارم ہاؤس میں مداحوں کی آمد، ملاقات کے نقاط اور دیگر انتظامات پر بھی غور جاری ہے تاکہ تقریب کو منظم انداز میں منعقد کیا جاسکے۔ تقریب کی حتمی تاریخ اور مکمل تفصیلات جلد جاری کیے جانے کا امکان ہے۔
