اسلام آباد: قومی اقتصادی کونسل (این ای سی) کا آج ہونے والا اجلاس مؤخر کر دیا گیا ہے، ذرائع کے مطابق اجلاس وزیراعظم ہاؤس کے شیڈول میں بھی شامل نہیں تھا۔
ذرائع کا کہنا ہے کہ قومی اقتصادی کونسل کے اجلاس میں آئندہ مالی سال کے قومی ترقیاتی بجٹ کی منظوری دی جانی تھی تاہم اجلاس نہ ہونے کے باعث یہ عمل مؤخر ہو گیا ہے۔
ذرائع کے مطابق قومی اقتصادی کونسل کا اجلاس اب کل منعقد ہونے کا امکان ہے، جس میں سالانہ ترقیاتی پروگرام اور دیگر اہم اقتصادی امور پر غور کیا جائے گا۔
ذرائع کا کہنا ہے کہ حکومت اور پاکستان پیپلزپارٹی کے درمیان بعض معاملات پر اتفاق رائے نہ ہونے کے باعث آج اجلاس منعقد نہیں ہو سکا۔ فریقین کے درمیان مشاورت جاری ہے اور معاملات طے پانے کے بعد اجلاس بلائے جانے کا امکان ہے۔
