جڑواں شہروں اسلام آباد اور راولپنڈی میں چلنے والی میٹرو بس سروس کو محدود کر دیا گیا ہے۔
میٹرو بس حکام کے مطابق سروس کو صرف صدر اسٹیشن سے پمز تک فعال رکھا گیا ہے،حکام کا کہنا ہے کہ پمز سے پاک سیکرٹریٹ تک میٹرو بس سروس عارضی طور پر بند کر دی گئی ہے۔
میٹرو بس انتظامیہ کے مطابق یہ فیصلہ ضلعی انتظامیہ کی ہدایات پر کیا گیا ہے جبکہ شہریوں کو متبادل سفری انتظامات اختیار کرنے کی ہدایت بھی کی گئی ہے۔
واضح رہے کہ ایران امریکا مذاکرات کی وجہ سے جڑواں شہروں میں دو دن کی مقامی تعطیل کا اعلان بھی کیا گیا ہے۔
