زمبابوے کے فاسٹ فاسٹ باؤلر بریڈ ایونز نے ٹی ٹوئنٹی کرکٹ میں منفرد ریکارڈ اپنے نام کر لیا۔
زمبابوے کے بریڈ ایونز ٹی ٹوئنٹی کرکٹ کی مسلسل 28 اننگز میں وکٹ حاصل کرنے والے پہلے باؤلر بن گئے ہیں۔
بریڈ ایونز نے یہ ریکارڈ سپر ایٹ مرحلے میں ویسٹ انڈیز کے خلاف میچ میں شائے ہوپ کو آؤٹ کرکے قائم کیا۔
اس سے قبل یہ ریکارڈ سری لنکا کے لیستھ ملنگا اور ائیر لینڈ کے مارک اڈائر کے پاس مشترکہ طور پر تھا، دونوں نے 27، 27 اننگز میں مسلسل وکٹیں حاصل کی تھیں۔
زمبابوے کے باؤلر کے ریکارڈ کو عثمان طارق سے خطرہ ہے جو مسلسل 25 اننگز میں وکٹ حاصل کر چکے ہیں اگر وہ اگلے مسلسل چار میچوں میں بھی وکٹ حاصل کرتے ہیں تو وہ پہلے نمبر پر آ جائیں گے۔
