تہران: ایرانی وزیر انصاف نے مظاہرین کو سخت سزائیں دینے کا اعلان کر دیا۔
غیر ملکی خبر رساں ایجنسی کے مطابق ایرانی وزیر انصاف نے کہا کہ ایران میں احتجاج نہیں بلکہ مکمل خانہ جنگی ہوئی۔ اور مظاہروں میں شامل ہر شخص کو مجرم سمجھا جائے گا۔
وزیر انصاف کے مطابق گرفتار افراد سے کوئی رعایت یا نرمی نہیں برتی جائے گی۔ ایرانی عدلیہ نے گرفتار مظاہرین کے تیز ٹرائلز کروانے کا فیصلہ کر لیا۔
حکام نے مظاہروں کو داخلی جنگ اور بدامنی کے مترادف قرار دیتے ہوئے سخت کارروائی کی ہدایات جاری کر دیں۔
غیر ملکی میڈیا کے مطابق ایرانی حکومت نے احتجاج کو دہشت گردی سے جوڑ دیا ہے۔ جبکہ مظاہرین کی ممکنہ پھانسیوں پر عالمی برادری اور امریکا نے انتباہ جاری کر دیا۔
