آسٹریلیا نے ایشیز سیریز کے تیسرے ٹیسٹ میچ کے لیے پلیئنگ الیون کا اعلان کر دیا۔
کرکٹ آسٹریلیا کے مطابق ٹیم میں 2 تبدیلیاں کی گئی ہیں۔ کپتان پیٹ کمنز کی پلیئنگ الیون میں واپسی ہوئی ہے اس کے علاوہ نیتھن لیون بھی ٹیم کا حصہ ہوں گے، پیٹ کمنز کمر کی تکلیف کے باعث ایشیز سیریز کے پہلے دو ٹیسٹ میچز نہیں کھیل سکے تھے۔
مائیکل نیسر اور برینڈن ڈوگٹ پلیئنگ الیون میں جگہ نہیں بنا سکے ، عثمان خواجہ پرتھ ٹیسٹ میں کمر کی تکلیف کے بعد مکمل صحت یاب ہو چکے ہیں لیکن ان کو ایک بار پھر نظر انداز کر دیا گیا ہے۔
واضح رہے کہ ایشیز سیریز کا تیسرا ٹیسٹ کل بدھ سے ایڈیلیڈ میں شروع ہو گا، پانچ ٹیسٹ میچز کی سیریز میں آسٹریلیا کو دو صفر کی برتری حاصل ہے۔
