فیصل آباد: مسلم لیگ (ن) کے رہنما عابد شیر علی کو ووٹ کی راز داری پامال کرنے پر ریٹرننگ افسر نے نوٹس جاری کر دیا۔
لیگی رہنما کو اس اقدام پر آج وضاحت کے لئے طلب کر لیا گیا ہے، عابد شیر علی کی سرعام بیلٹ پیپر پر مہر لگاتے ہوئے ویڈیو وائرل ہوئی تھی۔
الیکشن کے ضابطہ اخلاق کے مطابق بیلٹ پیپر پر مہر ووٹنگ شیلڈ کے پیچھے جا کر لگانا ضروری ہوتا ہے۔
لیگی رہنما عابد شیر علی نے انتخابی عملے اور متعدد افراد کی موجودگی میں لیگی امیدوار کے انتخابی نشان شیر پر مہر لگائی۔
واضح رہے کہ ضمنی الیکشن میں ن لیگ نے قومی و صوبائی اسمبلیوں 12 نشستوں پر کامیابی حاصل کی ہے جبکہ ایک نشست پر پیپلز پارٹی کا امیدوار کامیاب ہوا ہے۔
