عوامی مسلم لیگ کے سربراہ شیخ رشید کو اسلام آباد انٹرنیشنل ائیرپورٹ پر بیرون ملک جانے سے روک دیا گیا۔
شیخ رشید عمرہ کی ادائیگی کیلئے سعودی عرب جا رہے تھے ، امیگریشن ٹیم نے اسلام آباد ایئرپورٹ پر آف لوڈ کیا۔
اس موقع پر شیخ رشید نے گفتگو کرتے ہوئے کہا کہ لاہور ہائیکورٹ کے جسٹس صداقت علی نے مجھے عمرے پر جانے کی اجازت دی تھی ،عدالتی احکامات کی کاپی بھی متعلقہ اداروں کو بھیجی گئی تھی۔
سابق وزیر داخلہ نے کہا کہ عدالت نے واضح ہدایات دی تھیں کہ کوئی شکایت نہ ہو لیکن ائیرپورٹ پر پہنچا تو عمرے پر جانے سے روک دیا۔
شیخ رشید کا کہنا تھا کہ توہین عدالت کیلئے جسٹس صداقت علی خان کی عدالت میں جاؤں گا، جس ملک میں ہائیکورٹ کا حکم نہ چلتا ہو وہاں آسمان کی طرف ہی دیکھنا ہے، اللہ عمرہ کروائے گا،اور ان کو اپنے فیصلے پر شرمندہ ہونا پڑے گا۔
