عالمی سطح پر روایتی اور ثقافتی موسیقی کو زندہ رکھنے والے تین پاکستانی فنکاروں کو آغا خان میوزک ایوارڈ 2025 کے لیے نامزد کر دیا گیا ہے۔
رپورٹ کے مطابق کو آغا خان میوزک ایوارڈ ان فنکاروں کو دیا جاتا ہے جو اپنی موسیقی کے ذریعے ثقافت اور ورثے کو عالمی سطح پر متعارف کراتے ہیں۔
نامزد فنکاروں میں شامل ہیں:
۔ استاد نصیرالدین صاٰمی: پاکستان کے ممتاز کلاسیکل گلوکار، جو 49 نوٹ ‘سُرتی’ سکیل کے آخری زندہ دستاویزکار ہیں، ان کی کلاسیکی موسیقی نے دنیا بھر میں پاکستانی ثقافت کی نمائندگی کی ہے۔
۔ استاد نور بخش: بلوچستان کے معروف لوک موسیقار، جو بنجو پر مہارت رکھتے ہیں اور پنجاہ سال سے زائد عرصے سے اپنی موسیقی کے ذریعے بلوچی ثقافت کو زندہ رکھے ہوئے ہیں۔
۔ جُمَن لطیف (عرف فقیر جُمَن شاہ): سندھ کی روحانی موسیقی کے ماہر، خاص طور پر شاہ عبدالطیف بھٹائی کی شاعری کو اپنی آواز کے ذریعے عالمی سطح پر متعارف کرانے والے۔
