خیبرپختونخوا حکومت نے سیلاب متاثرین کو فراہم کئے جانے والے معاوضے کی تفصیل جاری کردی ہے۔
محکمہ ریلیف کے مطابق خیبرپختونخوا میں سیلاب سے جاں بحق افراد کے لواحقین کیلئے 20 لاکھ روپے معاوضہ مقرر کیا گیا ہے، جبکہ سیلاب میں زخمی افراد کو فی کس 5 لاکھ روپے دیئے جائیں گے۔
محکمہ ریلیف خیبرپختونخوا کے مطابق سیلاب کے باعث مکمل تباہ مکان کا معاوضہ 10 لاکھ روپے اور سیلاب کے باعث جزوی تباہ گھر کا معاوضہ 3 لاکھ روپے ہو گا۔
محکمہ ریلیف کے مطابق سیلاب سے تباہ دکانوں کیلئے 5 لاکھ روپے معاوضہ دیا جائے گا اور متاثرین کو خوراک کیلئے فی کس 15 ہزار روپے دیئے جائیں گے۔
