روسی صدر ولادیمیر پیوٹن نے امریکی ہم منصب ڈونلڈ ٹرمپ سے متحدہ عرب امارات میں ملاقات کا عندیہ دے دیا۔
ماسکو میں متحدہ عرب امارات کے صدر شیخ محمد بن زاید سے ملاقات کے بعد صدر پیوٹن نے میڈیا سے گفتگو کے دوران ڈونلڈ ٹرمپ سے ملاقات کا اشارہ دیا۔
روسی صدر کا کہنا تھا کہ صدر ٹرمپ سے ملاقات کرانے کے لیے کئی دوست ممالک مدد کرنا چاہتے ہیں، امریکی صدر سے ملاقات باہمی مفاد کی بنیاد پر ہو گی ، یو اے ای ملاقات کیلئے موزوں جگہ ہو سکتی ہے۔
واضح رہے کہ ڈونلڈ ٹرمپ نے یوکرین امن معاہدہ نہ کرنے کی صورت میں روس پر نئی پابندیوں کی دھمکی دی ہوئی ہے۔
