راولپنڈی: وزیر داخلہ محسن نقوی نے کہا ہے کہ شہدا کے خاندان کی قربانیوں کا قرض قوم نہیں اتار سکتی۔
وزیر داخلہ محسن نقوی بلوچستان میں شہید ہونے والے میجر زیاد سلیم کی رہائش گاہ گئے، ان کے اہلخانہ سے ملاقات کی اور اظہار تعزیت کیا۔
وزیر داخلہ نے شہید کی والدہ، بہن اور بھائیوں کے بلند حوصلے کو سراہا، انہوں نے ان کی والدہ سے کہا کہ آپ جیسی بہادر اور بلند حوصلہ مائیں قوم کا فخر ہیں۔
انہوں نے کہا کہ شہدا کے خاندان کا قربانیوں کا قرض قوم نہیں اتار سکتی، شہید میجر زیاد سلیم کی بے مثال قربانی کو ہمیشہ یاد رکھا جائے گا۔
انہوں نے کہا کہ شہید کے خاندان کا ہر طرح سے خیال رکھیں گے،اس موقع پرمیجر زیاد سلیم کے بھائی نے محسن نقوی کو شہید کا آخری آڈیو پیغام بھی سنایا۔
