پشاور ہائیکورٹ نے سینٹ میں قائد حزب اختلاف اور تحریک انصاف کے رہنما شبلی فراز کا نام ای سی ایل میں ڈالنے پر وفاقی حکومت سے جواب طلب کر لیا۔
پشاور ہائیکورٹ کے جسٹس صاحبزادہ اسد اللہ اور جسٹس فرح جمشید پر مشتمل بنچ نے شبلی فراز کا نام ای سی ایل میں شامل کرنے کیخلاف درخواست پر سماعت کی۔
ایڈووکیٹ جنرل نے عدالت کو آگاہ کیا کہ شبلی فراز دل کے مرض میں مبتلا ہونے کے باعث اسپتال میں زیر علاج ہیں اس لیے عدالت میں پیش نہیں ہو سکے۔
بعد ازاں عدالت نے شبلی فراز کا نام ای سی ایل میں ڈالنے پر حکومت سمیت متعلقہ فریقین کو نوٹس جاری کرتے ہوئے ایک ہفتے میں جواب طلب کر لیا۔
