پی سی بی نے بابراعظم، شاہین آفریدی اور رضوان سمیت متعدد کھلاڑیوں کو مختلف لیگز کیلئے این او سی جاری کر دیے ہیں۔
پی سی بی نے بابر اعظم کو بگ بیش لیگ کیلئے 14 دسمبر سے 28 جنوری تک این او سی جاری کیا ہے، اسی عرصے کے لئے شاہین آفریدی اور محمد رضوان کو بھی این او سی جاری کئے گئے ہیں۔
کاشف علی کو کینٹ کاؤنٹی کرکٹ کلب کیلئے، محمد عامر کو ایسیکس کاؤنٹی کیلئے 18 جولائی تک این او سی ملاہے۔ شان مسعود کو لیسٹر شائر کیلئے یکم ستمبر تک جبکہ حسن علی کو واروکشائر کاؤنٹی کیلئے 30 ستمبر تک این او سی جاری کیا گیا ہے۔
محمد عباس کو دو جولائی اور خرم شہزاد کو 27 ستمبر تک کاؤنٹی کرکٹ کیلئے، محمد نواز کو گیانا سپر لیگ اور سی پی ایل جبکہ خواجہ نافع کو گلوبل سپر لیگ کے لئے این او سی جاری کئے گئے ہیں۔ محمد حسان خان اور حارث رؤف کو بھی این او سی دیا گیا ہے۔
