کور کمانڈر بہاولپور لیفٹیننٹ جنرل محمد عقیل نے بہاول وکٹوریہ اسپتال کا دورہ کیا جہاں انہوں نے بھارتی حملے میں زخمی ہونے والے شہریوں کی عیادت اوران کے اہل خانہ سے ملاقات کی۔
کورکمانڈر بہاولپورلیفٹیننٹ جنرل محمد عقیل متاثرین کو پاک فوج کی جانب سے مکمل تعاون اورہرممکن امداد کی یقین دہانی کراتے ہوئے کہا کہ ملک کے دفاع کے لیے قربانیاں رائیگاں نہیں جائیں گی۔
لیفٹیننٹ جنرل محمد عقیل نے اسپتال انتظامیہ سے علاج معالجے کے حوالے سے تفصیلات بھی حاصل کیں اور ہدایت کی کہ زخمیوں کو بہترین طبی سہولیات فراہم کی جائیں۔
انہوں نے اس موقع پر کہا کہ پاک فوج عوام کے ساتھ کھڑی ہے اوردشمن کی ہرجارحیت کا منہ توڑ جواب دیا جائے گا۔
