سابق وزیراعظم انوارالحق کاکڑ نے کہا ہے کہ ہم اپنی افواج کی تربیت، ہتھیار اور صلاحیت سے مطمئن ہیں۔
سابق وزیراعظم انوارالحق کاکڑ نے ہم نیوز کے پروگرام صبح سے آگے میں گفتگو کرتے ہوئے کہا کہ پاک افواج کسی بھی مہم جوئی کا طاقت سے جواب دیں گی۔
انہوں نے کہا کہ ہم اپنی افواج کی تربیت، ہتھیار اور صلاحیت سے مطمئن ہیں۔ آرمی چیف میں بے شمار صلاحیتیں موجود ہیں، آرمی چیف دشمن کے حوالے سے نرم پالیسی نہیں رکھتے۔
انوارالحق کاکڑ نے کہا کہ موجودہ حالات میں حکومت پر تنقید مناسب نہیں ہو گی،ا ن کا کہنا تھا کہ اپوزیشن اور حکومت ذمہ داری کا مظاہرہ کر رہے ہیں۔
انہوں نے مزید کہا کہ موجودہ صورتحال میں سیاسی تناؤ سے گریز کرنا چاہیے، جنگ کے بادل چھٹ جائیں گے تو اپنے سیاسی محاذ پر بھی آئیں گے۔
