اسلام آباد یونائیٹڈ کے بیٹر صاحبزادہ فرحان نے کہا ہے کہ اپنی نظر اتارتا ہوں کیونکہ نظر لگ جاتی ہے۔
پریس کانفرنس کے دوران ان کا کہنا تھا کہ ڈومیسٹک کرکٹ میں کھیلنا اور پرفارمنس دینا ہی کھلاڑی کا کام ہوتا ہے، انہوں نے کہا کہ پرفارمنس کے ذریعے ہی پاکستان سپر لیگ میں منتخب کیا گیا ہوں۔
انہوں نے کہا کہ رواں سیزن ٹی ٹوئنٹی میں دو سنچریاں کرنے کا ہدف تھا لیکن تین کر لیں، فرحان نے کہا کہ ڈومیسٹک کرکٹ کیلئے میں نے پاور ہٹنگ پر بہت محنت کی تھی۔
انہوں نے امید ظاہر کی کہ اگر قومی ٹیم میں ٹاپ آرڈر میں موقع ملا تو پرفارمنس دوں گا، انہوں نے مزید کہاکہ اسلام آباد یونائیٹڈ ہمیشہ جارحانہ انداز میں کرکٹ کھیلتی ہے۔
