ضلع کرم کے لیے ٹل کینٹ سے جانے والا امدادی قافلہ راکٹ حملے کے بعد واپس روانہ ہو گیا۔
پولیس کے مطابق کرم کے علاقے بگن جانے والے قافلے پر راکٹ حملہ کیا گیا جس سے ایک گاڑی کو نقصان پہنچا تاہم واقعہ میں کسی جانی نقصان کی اطلاع نہیں، قافلے میں شامل گاڑیاں واپس ٹل روانہ ہوگئی ہیں۔ سکیورٹی فورسز نے علاقے کو گھیرے میں لے لیا۔
اس سے قبل تیسرے قافلے کے پہلے مرحلےمیں 35 مال بردار گاڑیاں روانہ کی گئی تھیں جن میں ادویات، سبزیاں، پھل اورکھانے پینے کی دیگر چیزیں شامل تھیں ، اس قافلے کی سکیورٹی کے لیے پولیس، ایف سی اور سکیورٹی فورسز کی بھاری نفری تعینات تھی۔
دوسری جانب کرم سے مریضوں کی منتقلی کے لیے ہیلی کاپٹرسروس 10 روز سے بند ہے جس کی وجہ سے مریضوں کو شدید مشکلات کا سامنا ہے۔
