وزیرِ اعلیٰ پنجاب مریم نواز نے 3 کروڑ روپے تک کا بلا سود قرض دینے کا اعلان کر دیا۔
وزیراعلیٰ پنجاب نے لاہور میں آسان کاروبار فنانس اور آسان کاروبار کارڈ کی افتتاحی تقریب سے خطاب کرتے ہوئے کہا کہ جن کو 3 کروڑ سے زیادہ کا قرضہ چاہیے وہ بھی اپلائی کر سکتے ہیں، قرضہ ملنے کے بعد بھی اگر کوئی مشکل آتی ہے تو ہم مدد کریں گے۔
مریم نواز کا کہنا تھا کہ اپنا کاروبار کرنا اس سے پہلے اتنا آسان نہیں تھا،آسان شرائط پر قرضہ دیں گے، چھوٹے اور درمیانے درجے کے کاروبار کو سہولتیں فراہم کریں گے۔
انہوں نے کہا کہ مضبوط معیشت کے ثمرات اب عوام تک پہنچ رہے ہیں،ان کا کہنا تھا کہ شہباز شریف کی حکومت نے ملک کو ڈیفالٹ ہونے سے بچایا، معیشت دوبارہ بہتری کی جانب گامزن ہے۔
