آسٹریلیا میں پاکستان کرکٹ ٹیم کے بیٹنگ مسائل کو دیکھتے ہوئے مستقل بیٹنگ کوچ کی تقرری کا فیصلہ کیا گیا ہے، شاہد اسلم کو یہ ذمہ داری دینے کا فیصلہ کیا گیا ہے۔
تجربہ کار شاہداسلم بیٹنگ کوچ کی حیثیت سے ایک اور اننگز کھیلنے کے لیے افریقن سفاری پر روانہ ہو رہے ہیں۔
پی سی بی کے ذ مہ دار ذرائع کا کہنا ہے کہ کوالیفائیڈ کوچ شاہداسلم کو پاکستان ٹیم کا بیٹنگ کوچ بنانے کا فیصلہ کیا گیا ہے۔
شاہد اسلم زمبابوے اور جنوبی افریقہ میں بیٹنگ کوچ ہوں گے، عاقب جاوید کی سفارش پر ان کی دوبارہ تقرری ہو رہی ہے۔
شاہد اسلم ماضی میں کئی سال تک ٹیم کے سپورٹ اسٹاف میں شامل تھے وہ بیٹرز کو پریکٹس کرانے میں شہرت رکھتے ہیں، وہ گھنٹوں تھرو ڈان کرانے کی وجہ سے مشہور ہیں۔
