اسلام آباد: پاکستان اورایشیائی ترقیاتی بینک کے درمیان قرض پروگرام کا معاہدہ طے پا گیا۔
وزارت اقتصادی امور کے مطابق ایشیائی ترقیاتی بینک پاکستان کو 500 ملین ڈالر فراہم کرے گا۔ جبکہ قرض پروگرام کی رقم موسمیاتی تبدیلی اور قدرتی آفات سے نمٹنے کے لیے استعمال کی جائے گی۔
وفاقی وزیر احد چیمہ نے کہا کہ پاکستان موسمیاتی تبدیلی اور آفات سے نمٹنے کے لیے ہر ممکن اقدام کرے گا۔ موسمیاتی تبدیلی سے نمٹنے کے لیے تعاون پر ایشیائی ترقیاتی بینک کے شکرگزار ہیں۔
ترجمان وزارت اقتصادی امور نے کہا کہ معاہدے پر سیکرٹری اقتصادی امور کاظم نیاز نے دستخط کیے۔ جبکہ ایشیائی ترقیاتی بینک کی جانب سے کنٹری ڈائریکٹر نے معاہدے پر دستخط کیے۔
