پاک افغان طورخم بارڈر پر داخلے کی عارضی دستاویزات کی شرط لاگو کر دی گئی۔
کسٹم حکام کے مطابق کاغذات کی عدم دستیابی پر مال بردار گاڑیوں کو آمد و رفت کی اجازت نہیں ہوگی، عارضی دستاویزات کی شرط لاگو ہونے کے بعد بارڈر کے اطراف گاڑیوں کی لمبی قطاریں لگ گئیں۔
واضح رہے کہ افغان حکام کی درخواست پر جنوری سے 31 جولائی تک ویزے کی شرط میں نرمی کی گئی تھی، یکم اگست سے پاک افغان طورخم بارڈر پر بغیر ویزے کے مال بردار گاڑیوں کے پاکستان میں داخلے پر پابندی عائد کر دی گئی ہے۔
کسٹم حکام کا کہنا ہے کہ افغان مال بردار گاڑیوں کے ڈرائیورز کے لئے ویزے کی درخواستوں پر آج سے عمل درآمد شروع ہو گا۔
