مہنگائی کے ستائے عوام کیلئے بری خبر ، بجلی کی قیمت مزید بڑھانے کی تیاری مکمل کر لی گئی ۔
سینٹرل پاور پرچیزنگ ایجنسی (سی پی پی اے) نے فی یونٹ بجلی کی قیمت میں 2 روپے 63 پیسے اضافے کیلئے نیشنل الیکٹرک پاور ریگولیٹری اتھارٹی (نیپرا) میں نظرثانی شدہ درخواست دائر کر دی۔
سی پی پی اے کی جانب سے قیمتوں میں اضافہ جون 2024 کی ماہانہ فیول پرائس ایڈجسٹمنٹ کی مد میں مانگا گیا ہے، درخواست پر نیپرا 31 جولائی کو سماعت کرے گی۔
خیال رہے کہ سی پی پی اے نے اس سے قبل 2 روپے 11 پیسے فی یونٹ اضافے کی درخواست جمع کرائی تھی۔
