وزیر اعلیٰ پنجاب مریم نواز نے چکن کے نرخ بڑھنے پر خصوصی اجلاس طلب کر لیا۔
مریم نواز صوبے بھر میں چکن اور پولٹری مصنوعات کے نرخ میں مسلسل اضافے پر سخت برہم ہوئیں،چکن کی پرائس کا تعین کرنے کے لئے ریگولیٹری میکانزم تشکیل دینے کا حکم دیدیا۔
وزیر اعلیٰ پنجاب کا کہنا تھا چکن سب سے زیادہ استعمال ہونے والی اشیاء خوردنی میں شامل ہے، ریٹ بڑھ گئے ذمہ دار ادارے کہاں ہیں؟ چکن صوبہ بھر میں عوام کے زیادہ استعمال کی چیز ہے، ریٹ بڑھنا گوارا نہیں۔
پولٹری والے بزنس کریں جائز منافع کمائیں لیکن عوام پر ناجائز بوجھ نہ ڈالیں،اپنی عوام کا احساس ہے،مافیاز کو مہنگائی کی اجاز ت نہیں دے سکتے۔
انہوں نے مزید کہا کہ کسی کا نقصان نہیں چاہتے مگر کیا عوام کو مافیاز کے رحم و کرم پر چھوڑ دیں؟مہنگائی کسی صورت قابل قبول نہیں،تمام متعلقہ ادارے فیلڈ میں مانیٹرنگ کریں۔
