پاکستانی ڈرامہ انڈسٹری کی خوبرو اداکارہ حرا مانی کے نام کی مٹھائی پڑوسی شہر بھارت میں بکنے لگی۔
حرا مانی نے فوٹو اینڈ ویڈیو شیئرنگ ایپ انسٹا گرام اسٹوری پر اپنے نام سے بکنے والی مٹھائی کی تصویر شیئر کی۔ انہوں نے اپنے نام سے بکنے والی مٹھائی کا اسکرین شاٹ انسٹاگرام اسٹوری پر شیئر کرتے ہوئے لکھا کہ ‘یہ کیا سلوک ہے؟’
بنگال سویٹس نامی دکان پر حرا مانی کے نام سے بکنے والی مٹھائی ایک بنگالی مٹھائی ہے جسے نئی دہلی میں 400 روپے فی کلو میں فروخت کیا جا رہا ہے۔ مٹھائی کو بھارتی ویب سائٹ اور سوشل میڈیا پر بھی شیئر کیا گیا ہے۔
