وزیراعظم نے کابینہ کمیٹی برائے ایس آئی ایف سی تشکیل دے دی ہے۔
نوٹیفکیشن کے مطابق کابینہ کمیٹی برائے ایس آئی ایف سی کے چیئرمین وزیراعظم شہبازشریف ہوں گے ،آرمی چیف جنرل عاصم منیر اور صوبائی وزراء اعلیٰ بھی کابینہ کمیٹی میں شامل ہونگے۔
کمیٹی رولز آف بزنس 1973 کے تحت قائم کی گئی ، 12 اراکین کابینہ اور6 باہر سے ہونگے،کمیٹی میں دفاع، خزانہ، منصوبہ بندی، آئی ٹی، فوڈ سیکیورٹی کے وزراء شامل ہوں گے۔
پانی و بجلی، قانون و انصاف، سرمایہ کاری، صنعت و پیداوار اور پیٹرولیم کے وزراء بھی کمیٹی میں شامل ہیں،کمیٹی کے فیصلے وفاقی کابینہ میں پیش ہونگے،سیکریٹریٹ ایس آئی ایف سی کے آفس میں ہوگا۔
