کراچی کے علاقے سرجانی ٹاؤن میں جہیز کے تنازع پر مبینہ تشدد کا ایک افسوسناک واقعہ سامنے آیا ہے، جہاں 18 سالہ نوبیاہتا دلہن مصباح دوران علاج دم توڑ گئی۔
پولیس نے مقتولہ کی والدہ کی مدعیت میں قتل کا مقدمہ درج کرتے ہوئے شوہر شہریار بٹ کو نامزد کر دیا ہے، پولیس کے مطابق سرجانی ٹاؤن کے علاقے سیف المری گوٹھ کی رہائشی مصباح نے 19 مارچ کو شہریار بٹ سے پسند کی شادی کی تھی۔
مقدمے میں الزام عائد کیا گیا ہے کہ شادی کے بعد سے ہی شوہر اور اس کے اہل خانہ کی جانب سے مصباح کو مسلسل تشدد کا نشانہ بنایا جاتا رہا شوہر کو اس بات پراعتراض تھا کہ دلہن کے گھر والوں نے جہیز میں موٹر سائیکل فراہم نہیں کی۔
ایف آئی آر کے مطابق 7 جون کو شہریار بٹ نے مبینہ طور پر مصباح پر پیچ کس اور دیگراوزاروں سے بدترین تشدد کیا، جس کے نتیجے میں اس کے سر اور جسم کے مختلف حصوں پر شدید اندرونی چوٹیں آئیں۔
