پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے خیبر پختونخوا میں مختلف کارروائیوں کے دوران 10 خوارج کو ہلاک کردیا جبکہ سکیورٹی فورسز کے قافلے پر آئی ای ڈی دھماکے کے نتیجے میں 6 جوان شہید ہوگئے۔
آئی ایس پی آر کے مطابق 15 سے 17 ستمبر 2026 کے دوران خیبر پختونخوا میں سکیورٹی فورسز اور خوارج کے درمیان مختلف جھڑپیں ہوئیں۔
کارروائیوں کے دوران بھارتی سرپرستی میں سرگرم فتنہ الخوارج سے تعلق رکھنے والے 10 خوارج ہلاک ہوئے جبکہ 6 جوانوں نے مادر وطن کے دفاع میں اپنی جانوں کا نذرانہ پیش کیا۔
شمالی وزیرستان میں 6 خوارج ہلاک
سکیورٹی فورسز نے شمالی وزیرستان میں خوارج کی موجودگی کی اطلاع پر انٹیلی جنس بنیاد پر آپریشن کیا۔
آئی ایس پی آر کے مطابق آپریشن کے دوران سکیورٹی فورسز نے خوارج کے ٹھکانے کو مؤثر انداز میں نشانہ بنایا اور شدید فائرنگ کے تبادلے کے بعد 6 خوارج کو ہلاک کردیا۔
