دنیا بھر میں 2026 کو ایسے سال کے طور پر دیکھا جا رہا ہے جس میں عالمی سیاست، موسمیاتی تبدیلی، خلا اور کھیل کے میدان میں بڑے واقعات رونما ہوں گے۔
ماہرین کے مطابق 2026 میں عالمی درجہ حرارت مزید بڑھنے کا امکان ہے۔ گزشتہ برس تاریخ کا گرم ترین سال ثابت ہوا تھا اور اقوام متحدہ کے مطابق اگلے چند برسوں میں ایک اور ریکارڈ ٹوٹنے کے امکانات 80 فیصد تک پہنچ چکے ہیں۔
برازیل میں ہونے والی حالیہ موسمیاتی کانفرنس (COP30) نے ثابت کیا کہ جغرافیائی کشیدگیوں کے باوجود عالمی مذاکراتی عمل ابھی ختم نہیں ہوا۔ ماہرین کا کہنا ہے کہ 2026 کو موسمیاتی سفارت کاری کی نئی بنیاد رکھنے کے سال کے طور پر دیکھنا ہوگا۔ اپریل میں کولمبیا کی جانب سے فوسل فیول کے خاتمے پر عالمی کانفرنس بھی اسی سلسلے کی اہم کڑی ہوگی۔
