سعودی وزارت حج نے عمرہ زائرین کے لیے پرمٹ کے حصول پر زور دیتے ہوئے کہا کہ اس کا مقصد عمرہ مناسک کی ادائیگی میں سہولت ہے۔
سعودی وزارت حج کے بیان کے مطابق زائرین کو عمرہ پرمٹ کے مقررہ وقت سے 4 گھنٹے قبل مکہ مکرمہ میں داخل ہونا چاہئے۔
عمرہ زائرین کو اگر یہ اندیشہ ہو کہ وہ پرمٹ کے وقت پر مکہ نہیں پہنچ سکتے تو انہیں چاہیے کہ وہ اپنا پرمٹ کینسل کرانے کے بعد دوبارہ اپنی آسانی کو مدنظر رکھتے ہوئے جاری کرالیں۔
وزارت کی جانب سے بیان میں کہا گیا کہ پرمٹ کا مقصد زائرین کو رش سے بچانا ہے۔
