امریکی ثالثی میں شام اور اسرائیل کے درمیان اردن میں اعلیٰ سطح کے مذاکرات ہوئے ہیں، جن کا مقصد شام میں حالیہ اسرائیلی حملوں کے بعد پیدا ہونے والی کشیدگی کو کم کرنا تھا۔
شامی سرکاری خبر رساں ایجنسی سنا کے مطابق شامی وزیر خارجہ اسعد الشیبانی اور شامی انٹیلی جنس حکام نے اردن میں اسرائیلی وفد سے ملاقات کی۔ مذاکرات میں امریکا نے ثالث کا کردار ادا کیا۔
رپورٹ کے مطابق فریقین کے درمیان ہونے والی بات چیت میں حالیہ اسرائیلی حملوں، گرفتاریوں اور ٹارگٹڈ کارروائیوں سمیت شام میں فوجی سرگرمیوں کو روکنے کے ممکنہ طریقہ کار پر تبادلہ خیال کیا گیا۔
