متحدہ عرب امارات نے اسرائیلی وزیراعظم کے مبینہ دورہ یو اے ای کی تردید کر دی۔
متحدہ عرب امارات کی وزارت خارجہ نے اسرائیلی وزیراعظم بنجمن نیتن یاہو کے مبینہ دورۂ یو اے ای اور کسی بھی اسرائیلی فوجی وفد کی آمد سے متعلق گردش کرنے والی خبروں کی سختی سے تردید کردی۔
یو اے ای وزارت خارجہ کے جاری بیان میں کہا گیا ہے کہ ملک میں اسرائیلی وزیراعظم کے کسی خفیہ یا غیر اعلانیہ دورے اور اسرائیلی فوجی وفد کے استقبال سے متعلق تمام دعوے بے بنیاد ہیں۔
بیان میں کہا گیا کہ متحدہ عرب امارات اور اسرائیل کے تعلقات کھلے اور واضح انداز میں ابراہام معاہدوں کے تحت جاری ہیں، اور یہ تعلقات کسی غیر شفاف یا خفیہ انتظامات پر مبنی نہیں۔
الإمارات تنفي ما يتم تداوله بشأن زيارة رئيس الوزراء الإسرائيلي أو استقبال وفد عسكري إسرائيلي pic.twitter.com/rl5XSzX2RG
— MoFA وزارة الخارجية (@mofauae) May 13, 2026
وزارت خارجہ نے میڈیا اداروں پر زور دیا کہ وہ خبروں کی اشاعت میں درستگی اور پیشہ ورانہ ذمہ داری کا مظاہرہ کریں اور غیر مصدقہ اطلاعات یا گمراہ کن سیاسی بیانیے پھیلانے سے گریز کریں۔
